Bygder og steder
Værlandet og Bulandet
Midt i havgapet, godt vakta av den majestetiske Alden, ligg øyane som perler på ei snor, vakkert bunde saman av 6 bruer og 5.240m veg.
Værlandet og Bulandet er bunden saman av vegen Nordsjøporten, og er ikkje berre viktig for samferdsle og kommunikasjon her ute, men også ei fantastisk reise gjennom øyrika. Her er eit myldrande dyreliv i Sørværet Naturreservat, og er du heldig kan du oppleve både sel, oter, ørn og hjort.
Øyriket Værlandet og Bulandet er Noregs vestlegaste bebudde samfunn. Desse øyane er eit populært reisemål for dei som likar sykling, padling, fiske eller fotturar. Bulandet er det vestlegaste aktive fiskerisamfunnet i Noreg, og omfattar 365 øyer og har omlag 260 innbyggjarar. På bygdemuseet "Bulandet i fortid og notid" gjev eit godt bilete av daglegliv og fiskeri i Bulandet. I Værlandet bur det ca. 200 innbyggjarar. Fiske og oppdrett er dei viktigaste næringsvegane, men reiseliv og eksport av høgkvalitets naturstein (grønsteinsbrekje) til Italia, er næringar i sterk vekst.
Sykle over ei perlerad av bruer
Vegen mellom Værlandet og Bulandet er ein populær sykkeltur. På den 11 kilometer lange sykkelturen syklar du over ei perlerad av bruer. Terrenget er storslått, og du syklar forbi kunstinstallasjonar, sjarmerande sjøbuer og over tronge sund. Frå dei 6 bruene som knyt øyane i saman har du storslått utsikt over øyer og hav. Sykkelturen kan kombinerast med ein øyhoppingstur til nokon av dei vestlegaste øyane i Noreg.
Butikkane Joker Værlandet og Joker Bulandet ligg i kvar sin ende av det vakre øyriket. Joker Værlandet er lett tilgjengeleg når du kjem med ferge frå Askvoll, og Joker Bulandet er lett tilgjengeleg når du øyhoppar mellom Solund og Bulandet. Du kan leige og levere sykkel på kva som helst av dei to butikkane - du kan med andre ord velje om du ønskjer å sykle ein veg eller fram og tilbake. Les meir om øyhopping med sykkel her.
På Værlandet og i Bulandet kan du vandre på ulike løyper tilrettelagt i naturen. Nordsjøløypa er ei av dei lengste løypene og inneheld både flatt terreng og nokon toppar. Følg skilting undervegs og opplev flotte utsiktspunkt som er vel verdt litt strev når du har komen til toppen. Ønskjer du guida turar? Ruth Bakke har drive guiding av turar på Værlandet og i Bulandet i mange år. Her kan du velje mellom ulike turar og Ruth skreddarsyr eit opplegg for deg og dine interesser saman emd vener, familie eller ditt firma.
Korleis komme seg hit
Ta ferga frå Askvoll/Fure til Værlandet, og ta beina fatt eller dra med sykkel/bil over bruene til Bulandet. Fotturen vil ta eit par timar ein veg. Dette er ein tur du seint vil gløyme!
Overnatting
Det er fleire overnattingstilbod både på Værlandet og i Bulandet. Vi anbefaler å booke overnatting på førehand og ta turen over fleire dagar.
Finn inspirasjon frå Værlandet og Bulandet
Slik kommer du deg hit
Fjordkysten & Sunnfjord strekk seg frå breen i aust og til øysamfunna i vest, ein drøy time nord frå Bergen. Under finn du oversikt over korleis du kjem deg til og rundt i regionen.
Slik kjem du deg til og rundt i Fjordkysten & SunnfjordFinn din overnatting på Værlandet og i Bulandet
Overnatting
Værlandet Havhotell
Værlandet og Bulandet
Har du lyst på ei unik oppleving ved Noregs vestlegaste hotell? Værlandet Havhotell byr på overnatting med havet rett utanfor soverommet!
Overnatting
Bulandsferie
Værlandet og Bulandet
Ved kanten av storhavet ligg Bulandsferie. Bu i rorbu, sjøhus eller ei hytte midt i det levande fiskeværet
Overnatting
Liv og Lyst - Bulandet
Værlandet og Bulandet
Opplev det vakre øysamfunnet og overnatte i det sjarmerande gardshuset eller sjøhuset hos Liv og Lyst.
Andre øyer på Vestlandet
Ona & Nordøyane
Køyr den nye Nordøyvegen og utforsk nordøyane som ligg som perler på ei snor utanfor Ålesund og Brattvåg. Du kan og ta ferga og oppleve fiskeværet Ona.
